今日終於抽到時間去咗一趟果欄買車厘子，啲人真係多到好誇張，迫晒出馬路又有警察維持秩序，仲熱鬧過花市😅想睇多陣都會被人迫走咗，睇黎早一星期去會輕鬆好多😔講返正題先~我本身勁鐘意食車厘子之(食自己😂)而今次亦都係沖住一年得4個星期當造~產地位於澳洲塔斯曼尼亞既巨型車厘子而黎，而且有幾種唔同既牌子，當中有最為人熟悉既金盒43°同TR 紅寶石，之前係煮食谷都見到好多人讚43°嘅車厘子又大又甜又多汁，但又有人話TR既車厘子比較爽脆，口感各有不同，正當愁緊買邊隻好，個叔叔竟然俾我試食😂我試咗以上2款覺得好似唔夠早2日姑奶請我食(TR)咁甜，於是叔叔推薦呢款俾我，呢款係我最滿意，所以就買咗佢返屋企啦！雖然佢個盒冇咁靚又冇咁出名，但我都係決定信自己既味覺❤哈哈！成箱得一粒爛，其他的全部外型完整質感爽脆，粒粒都大過2蚊同5蚊! 第一次咁豪買生果，因為囝囝鐘意食😂
Search